Mangcek Sum: Wari Memang Petarung

0
402
foto ilustrasi net

Petarung itu tak kenal takut dan menyerah. Badan boleh kecil tapi nyali harus besar. Petarung juga tak akan menyerah hingga titik darah penghabisan. Kehidupan para petarung tetap menjadi kenangan. Bukan kalah dan menang yang menjadi tujuan, tapi bertarunglah yang jadi jalan hidupnya.

Mangcek Sum: Kalu kujingok tulisan itu, caknyo itu mirip salah sikok cagub kito si Wari.

Bikcek Sum       : Caknyo iyo… tapi yang namonyo calon kan petarung galo. Dak mungken mereka itu pejuang, sebab zaman lah merdeka, jadi apolagi yang diperjuangke.

Mangcek Sum    : Yo idak jugo mak itu. Yang namonyo bejuang tu idak harus nak ngangkat senjato. Kita nyari nafkah tiap ari juga bejuang tapi namonyo bejuang idup. Kita sekolah nyari ilmu, juga namonyo bejuang jadi wong pinter. Jadi yang namonya bejuang itu yo macem-macem lah.

Bikcek Sum      : Oooo, aku kiro pas ngerebut kemerdekaan cak wong-wong tuo kito zaman bingen bae yang namonyo berjuang. Pantesan ado partai yang pake kato-kato perjuangan jugo. Terus kapan nak selesai kalu idup kito bejuang terus.

Mangcek Sum      : Katek selesainyo. Selesai kalu kito lah mati terus dikubur di Puncak Sekuning, apo di Kandang Kawat, mungken jugo di Kebun Bunga atau Kamboja. Tapi selagi kito idup, yo harus bejuang terus cak petarung tu. Pokoknyo lum mati belum nak berenti.

Bikcek Sum    : Terus kau anggep si Wari tu petarung, apo alasannyo. Mentang-mentang dio kecik badannyo bukan berarti dio penakut.

Mangcek Sum    : Ha ha ha..ngapo kau laju nak marah mak itu.

Bikcek Sum        : Bukan mak itu, caknyo nada kau ke arah sano. Kau tau dak, si Ishak jugo agak pendek, ngapo kau dak nyebut dio petarung jugo.

Mangcek Sum   : Aku kan belum selesai ngomong. Sebenernyo galo-galonya tu petarung. Cuman untuk si Wari tu agak berat. Tapi kau jingoklah, apo dio nak ngalah, idak kan. Kalau dio bukan petarung pasti lah dio galak jadi wakil gubernur bae pasangan samo Ishak. Aman kan. Cuman dio dak galak, maseh nak jadi Gubernur tulah, itu maksud aku bermental petarung tu. Sebab perjuangan untuk jadi gubernur tu pasti lebih berat daripada jadi wakil. Kalau bukan jiwa petarung, jelas cari aman bae, yo jadi wakil cak dugaan kito selamo ini.

Bikcek Sum    : Iyo… iyo aku tu lah ngerti kendak kau tu. By: ig

 

 

sumatranews.co.id1 id : 10717 Under Article