Mangcek Sum: Masih Ragu dengan WARI

265
Print

Sampek mak ini ari, yang namonyo Saifudin Aswari Rifa’i alias Wari memang salah sikok cagub Sumsel yang maseh galak buat sensasi.

Sebab dio yang selamo ini diarepke bepasangan samo Ishak, eee malah buat pondasi dewek dengan gaet Walikota Pangkal Pinang, Irwansyah.

Mangcek Sum: Tapi aku maseh bae ragu. Sebab dak mungken secepet itu dio berubah pikiran. Jangan-jangan kagek dio gaet yang laen lagi. Tapi aku seneng-seneng bae, kan jadi rame jugo pilgub kito taun depan tu.

Bikcek Sum   : Biarkelah oi, kau ni ngurusin gawe uwong tulah pacaknyo. Urusi kau dewek bae saro. Teserah Wari nak nyari pasangan samo siapo. Dio kan pasti punyo rencano, apolagi dio kan lah duo periode jabat Bupati Jeme Lahat. Jadi otaknyo tu pastilah encer.

Mangcek Sum: Bukan mak itu. Cakmano jugo, dio tu calon gubernur, wajar bae aku ngangguk-innyo. Sebenernyo aku juga meratiin calon laen jugo. Cuman si Wari ni caknyo laen dari yang laen.

Bikcek Sum     : Iyolah pasti laen, kalu samo kembar namonyo. Ai bengak jugo kau ni, aku kiro pinter nian. Sudahlah jangan mikirin Wari terus. Sesep dikit dio pasti berubah lagi nyari pasangan laen, mungkin dari partai, mungkin jugo tokoh agama, mungkin jugo anggota DPR. Mano tahu kito, kan pendaftaran masih lamo, kalu dak salah kan bulan Januari kagek.

Mangcek Sum : Ai caknyo lah pacak bahas jugo kau Bikcek. Iyo nian, selagi belum ado bates pendaftaran, calon-calon tu maseh pacak berubah pikiran. Kasian jugo kito, calon gubernur tu lokak saro tiduk mikirke yang mak itu yo.

Bikcek Sum      : Iyolah. Jadi mereka tu bukannyo lemak. Kalu kito pacak ngorok semaleman, nah kalu calon-calon tu susah tiduk.

Mangcek Sum  : Kasian jugo yo. Kito doake bae yo, seluruh calon tu sehat galo. Pacak meleh pasangan yang pas, jangan gek pas lah jadi justru bemusuh.

Bikcek Sum        : Nah, mak itu, amiiiiinnnn.

By: ig

LEAVE A REPLY

Please enter your comment!
Please enter your name here