HeadlineLahatPolitikSuara Hati

Lemak Nian Kalu Honorer Pacak Jadi PNS

Musim politik mak ini ari, kadang ado bae program paslon yang kebablasan alias lepas kendali. Sangking semangat nak nyari massa biar tepeleh kagek, kadang programnyo  agak nyeleneh. Padahal itu program yang mak itu biso jadi boomerang buat si paslon.

‘’Yang mano Mangcek, yang kau omongke tu. Jelas-jelas dikit. Kan sekarang ni zamannyo transparansi alias keterbukaan,’’ uji Mang Din samo Mangcek.

‘’Ai kau ni Din… bukan aku idak galak nak bukake, tapi  masalahnyo kau jugo pasti lah tau. Kan ado salah sikok  paslon di Sumsel tu yang programnyo bakalan nak jadike seluruh honorer tu pacak jadi PNS. Kebablasan itu. Sebab setahu aku banyak syarat kalau honorer nak diangkat jadi PNS. Buktinyo ado tetanggo aku yang sudah 10 tahun honorer sampe sekarang dak pacak jadi PNS sebab lah berumur 50 tahun. Nah itu salah sikok contohnyo Din..,’’ uji Mangcek.

‘’Ooo itu, bener nian kau tu Mangcek. Setahu aku, kalu untuk ngangkat guru honorer bae banyak syaratnyo. Ini bukan kato aku, tapi kato Kementerian Pendidikan dan Kebudayaan (Kemendikbud) Republik Indonesia (RI) kito Muhadjir Effendy. Nah…, kato Muhadjir waktu itu, selain masa kerja, ada tiga persyaratan utama yang perlu dipenuhi seorang guru honorer untuk diangkat menjadi PNS. Persyaratan itu antara lain kualifikasi akademik sang guru, kompetensinya, dan sertifikasinya. Jugo, kato Muhadjir  pengangkatan seorang guru honorer menjadi seorang PNS tak melulu urusan Kemendikbud, tetapi juga Kementerian Pemberdayaan Aparatur Negara dan Birokrasi Reformasi (Kemenpan dan RB) samo Kementerian Keuangan (Kemenkeu),’’ timpal Cek Nang, panjang lebar.

‘’Oooo, jadi dak semudah itu yo. Honorer nak jadi PNS cak kato salah sikok program kerja calon bupati kito ni yang ada didalam visi misinya  kalu dio dipilih,’’ uji Mang Din.

‘’Iyolah pulok Din.., tenago honorer diangkat menjadi PNS  pastilah makan waktu dan proses yang panjang. Dak pacak langsung jadi,’’ jawab Mangcek.

Jugo, kato Cek Nang jelaske lagi, kalu proses pengangkatan Tenaga Honorer menjadi PNS Itu adalah hak Pemerintah Pusat bukan pemerintah daerah Gubernur/Bupati.

‘’Jadi apo salah program salah sikok paslon tu, apo sekedar nyari dukungan bae,’’ tanyo Mang Din lagi.

‘’Kalu salah idaknyo, kito balekke masyarakat yang nilai. Sebab pemilih zaman mak ini lah tahu mano yang salah, mano yang idak. Mano paslon yang pacak merakyat, mano yang idak jugo mereka tu lah tahu galo,’’ teges Cek Nang lagi. Kiriman: Idham

 

 

Related Articles

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Back to top button