Kelakar Mangcek: Politik Lahat Ruwet Nian
Sambil ngopi dan makan pisang goring, Mangcek dan Ceknang beguyon beduo. Soalnyo nak jalan keluar hari ujan takut demem.
Ngomong ngomong cakmano peta politik di Bumi Seganti Setungguan ini Mangcek. Caknyo sikok-sikok paslon, kabarnyo ado yang gugur dan ado yang nak bedampingan. Ngapo taun jadi ruwet cak benang kusut.
Inilah politik Ceknang. Yang awak sebut itu besak kemungkinan terjadi. Cak paslon perseorangan Hapit Padli-Erlan Rumsyah, Dodo Arman-Sutrisno, terus mak itu jugo Paslon Purnawarman Kias-Rozi, kemarin-kemarin lah semangat nian nak maju, giliran lah deket-deket kampanye kendor. Malahan isunyo bakal gugur maju di pilkada Lahat agek. Soalnyo paslon ini harus mencukupi kekurangan KTP lagi yang diminta oleh KPUD.
Sedangkan Calon Bupati Marwan Mansur SH samo Cik Ujang selain masih sibuk cari wakilnyo yang lum dapat-dapet. Malah dikabarke bakal begandengan. Tapi entah siapo yang jadi Bupati dan siapo yang jadi Wakil kito jingok bae perkembangan berikutnyo. Apolagi namo dokter lah disebut-sebut nak jadi wakil. Cuman sampe mak ini ari, kito lum tau Ceknang. Pokoknyo kito jingokke bae pas tanggal 8 sampe 10 Januari besok.
Kiriman: idham
