Ke Bumi Seganti Setungguan, Bikcek Via Valen Disambut Lumpur

0
553
ilustrasi bermain di lumpur (net)

Pagi-pagi buto habis subuh tadi, Mangcek Ham samo Bikcek Novi lah beringkes nak jingok artis ibukota Bikcek  Via Valen. Sebab kabarnyo si Bikcek Via tu nak datang pas peresmian Plaza Lematang Indah yang nak diresmike Gubernur Sumsel H. Alex Noerdin.

‘’Iyo Cek Nang pasti rame di Benteng soalnyo ini artis ibu kota. Bupati kito ni H. Saifudin Aswari Riva,i SE selain habis masa jabatan jugo dio nak maju di pemilihan Gubernur Sumsel jadi butuh dukungan masyarakat Kabupaten Lahat caknyo. Nah peresmian ini mungken salah caro narek simpatik jeme kite.’’

Itu kato Mangcek Ham samo sohibnyo Ceknang Eee dak tahunyo Bikcek Novi ado di belakang. ‘’Ngomong apo oi kamu beduo tu. Tau dak peresmian Plaza Lematang tu ado artis ibu kotanya Bikcek Via Valen.’’

Kalu bae dengan peresmian itu, Lahat ni pacak maju. ‘’Tapi sayang nian yo masalah di Lahat ni masih banyak. Mulai   kades samo perangkatnya lum dibayar, duet kontraktor banyak lum cair, terus gaji TKS tambah parah lagi, maseh lum ado kabar.

‘’Selaen itu, lokak Bikcek Via tu disambut lumpur, kan lokasinyo becek. Kito usulke bae, Bikcek Via Valen nyayike lagu ‘’Main di Lumpur,’’  uji Mangcek Ham.

‘’Ai kau ni macak-macak mano ado lagi model mak itu,’’ timpal Bikcek Novi.

‘’Iyo sudah diado-adoke baelah, kan memang bener lokasi plaza tu memang becek samo belumpur. Kito usulke bae Bikcek Via buat lagu yang tadi,’’ uji Cek Nang.

Kiriman: Idham

Editor/Posting : Imam Ghazali