Deru Apo Dodi, Gubernur Wong Kito?

0
563
ilustrasi net

BIAR pleno KPU Sumsel lah sudah selesai tanggal 8 Juli kemaren, yang netapkan Paslon Deru-Mawardi unggul dari paslon lain, tapi dak urung jugo kito masih belum dapet kepastian siapo nian Gubernur Wong Kito di periode 2018—2023.

Sebab, Tim kuaso hukum Dodi-Giri yang dimotori Mangcek Darmadi Djufri ngajuke gugatan ke Mahkamah Konstitusi untuk minta dilakuke PSU alias Pemilihan Suara Ulang. Jadi sampe mak ini ari, kito lum tahu nian siapo yang nak mimpin Sumsel limo tahun ke depan.

‘’Jadi makmano Mangcek Sum, sampe kapan situasi dak nentu mak ini,’’ tanyo Mangcek Syarif.

‘’Jangan pening oi. Kito serahke bae ke MK, percayo bae samo MK alias Mahkamah Konstitusi tu. Kalu PSU kabarnyo cuma dua daerah yang ngelakukennyo Palembang samo Muara Enim, daerah lain duduk manis bae. Kalu idak jadi PSU yo Deru-Mawardi yang bakalan jadi Gubernur kito untuk limo tahun mendatang. Jadi dak usah nak pening igo mekerkennyo,’’ kato Mangcek Sum.

‘’Tapi kalu aku jingok pengalaman yang lamo. MK bae kadang pacak salah, bahkan waktu itu ketuanyo si Aqil Muchtar masuk penjaro. Nah apo ketuo MK sekarang pacak dipercayo jugo,’’ tanyo Mang Syarif lagi.

‘’Kalu urusan itu aku dak tau jugo. Pokoknyo kito percayo baelah samo MK. Sebab sekarang ini, bukan bae masalah Pilgub yang sedang dibahas oleh MK tu tapi jugo Pilbup Lahat samo Muara Enim sedang disidangke. Yo … nak ngapo lagi kito tunggu bae,’’ kato Mangcek Sum.
Laporan/Posting: IG