Calon Banyak, Bikin Bikcek Bingung

0
234
ilustrasi net

Pokoknyo kalu kito bejalan di Plembang, Lahat, Banyuasin, Pagaralam, Muaro Enim, samo daerah lainnyo di Sumsel ini, lah rame galo oleh gambar-gambar calon. Entah itu calon bupati/walikota ataupun calon gubernur.

‘’Pening jugo aku jingoknyo. Mano nian yang dipilih oi. Suaro kito cuman sikok tapi calonnyo banyak nian. Harusnyo kito pacak milik duo apo, lemak pulok,’’ kato Bikcek Sum sambel ngulen empek-empek dos.

‘’Ai sudahlah oi kau tu. Aku tau nian pikirin kau tu biar pacak nerimo ampau duo kan. Kito ni konsekuen baelah. Samo bae cak bini, kalau kito bebini duo pasti marah bini sikoknya,’’ uji Mangcek Sum sambil bersiin kamar mandi yang kotor kerno ado bekas kucing beranak kemaren.

‘’Jangan pulok nak kau samoke dengan bini. Ini ni masalah pilkada bukan masalah bini,’’ kato Bikcek Sum sambil melototi Mangcek.

‘’Iyo ngerti aku. Aku tu cuman nyontohke bae. Kalu kito milih sikok calon gubernur yo sikok tulah. Jangan pulok nak meleh duo. Masalah ampau yo rizki kito dewek-dewek. Jangan gara-gara nak dapet banyak kito meleh duo calon gubernur. Itu nandoke kito tu calak alias licik,’’ uji Mangcek, sambel nyegak-nyegak.

‘’Oooo jadi kau dak setuju apo, kalu aku nak meleh duo gubernur Wari samo Ishak atau Deru,’’ kato Bikcek sambel ngelanjutke ngulen empek-empeknyo.

‘’Jelas idaklah. Bedoso itu, itu namonyo najur alias untung-untungan. Kalah menang biaso bae, tapi kito ni harus punyo sikap dan pendirian. Kalau aku tetep si Wari Sang Petarung,’’ kato Mangcek sambel nunjukke tangannyo yang belepotan sabun colek.

‘’Itulah kelebihan kau, mangkonyo aku tu galak kawin samo kau. Sekali sikok tetep sikok tulah. Iyolah, tapi aku nak meker dulu yo,’’ kato Bikcek sambel beresin ulenan empek-empeknyo yang lah kelar.

Sambel nunggu Bikcek masak empek-empek dos, Mangcek jugo tejingok la hamper kelar bersihke kotoran bekas kucing beranak itu. Terus dio bebasuh. Abes itu, dio duduk di teras sambek nunggu kawannyo si Mangcek Donni yang nak datang. By: ig 

sumatranews.co.id1 id : 10717 Under Article