Mang Jon Bakalan Jadi Ketuo PWI Sumsel

36

DI taun ini pemelehan Ketua PWI Sumsel periode 2019—2024 tanggal 26—27 Januari di Asrama Haji caknyo seru nian. Beda dari taun-taun sebelumnyo. Apolagi ado empat ikok kandidat kuat yang nak ngerebutke kursi ketuo, gantiken Mang Oktaf Riady.

‘’Ai kau ni cak tau nian tentang PWI Sumsel tu. Ke kantor PWI bae kau tu jarang,’’ uji Mang Fir samo sohib kentelnyo Mang Don dengan Mangcek yang sibuk ngirup kopi.

‘’Ai kau ni Mang Fir, jangan galak ngeremehke kamek beduo ni. Zaman now mak ini, cukup kito buka Hp, nah … lah tejingok galo dunio ni. Apolagi masalah PWI Sumsel ni …pokoknyo lah banyak nian beritanyo,’’ kato Mangcek.

‘’Kalu kau tau nian, siapo kandidat yang kuat, terus siapo yang nak bakalan menang,’’ tanyo Mang Fir sambel becepet jugo ngirup kopi takut dihabisi Mangcek samo Mang Don.

‘’Kalu nak ngomongke kandidat, jelaslah kuat galo. Setahu aku ado Aan, Hadi, Firdaus, samo Jon. Wong empat itu kuat galo, peluangnyo besak galo,’’ simbat Mang Don.

‘’Jadi kalu kuat galo, lokak dak katek yang tepeleh Mang Jon! Dak ke ado kuat galo, pasti ado yang kuat dari wong empat itu,’’ uji Mang Fir nyimbati omongan Mang Don.

‘’Mak ini yee. Kalu aku jingok dari berita samo fakta di lapangan, ternyato yang kuat tu si Jon ..kalu dak salah namonyo Jon Heri, dio selamo ini jabat Wakil Ketua Bidang Organisasi PWI Sumsel tinggalnyo di Jalan Beliton, dio masih nyewo rumah, belum punyo rumah dewek,’’ jawab Mangcek.

‘’Kau tu cak tau nian dari mano Mangcek, dak mungken si Jon masih nyewo rumah,’’ simbat Mang Fir.

‘’Sebab setahu aku, cuman Jon Heri yang rajin ke daerah, galak ngopi bareng dengan wartawan di daerah jugo, uwongnyo sederhana. Memang badannyo agak gendut sebab faktor keturunan bukan karno biaso idup mewah, sebab itu rumah bae dio maseh nyewo rumah sampe mak ini ari. Karno galak gaul ke daerah itulah, cerito tentang Jon tu cepet nyebar dan dapet dukungan dari 13 ketua PWI kabupaten/kota. Sebab itu prediksi aku Mang Jon alias Don Jon bakalan jadi Ketuo PWI Sumsel buat lima tahun ke depan,’’ kato Mangcek panjang lebar.

‘’Nah kalu kau jadi Ketuo PWI di daerah, siapo Mang Fir yang nak kau peleh,’’ tanyo Mang Don balek nanyo ke Mang Fir.

‘’Ai jelaslah aku meleh Jon Heri. Untuk apo aku nak meleh kandidat lain yang bakalan kalah, kalu pacak kito meleh yang bakalan menang. Samo cak caleg kagek, aku jugo nak meleh yang caleg jadi biar pacak berasan ha ha ha,’’ jawab Mang Fir.

‘’Samo Mang Don, aku jugo samo dengan Mang Fir, aku jugo nak ngajak pemeleh lain untuk gabung ke Jon Heri. Sebab kalu pacak kito di pihak yang menang, biar lancar segalo gawe. Besok aku nak nelponi kawan-kawan aku untuk bebalik dukung Jon Heri bae yang bakalan menang. Kalu pacak kito samo suaro, samo ngerayeke kemenangan biar mantap pas ngopi bareng,’’ simbat Mangcek. ***

 

 

LEAVE A REPLY

Please enter your comment!
Please enter your name here